Янги масжид очилди

Бугун ҳазрати Уккоша ота қадамжосига элтувчи катта йўл бўйида ички хизмат подполковниги, жамоат ишларида фаол халқпарвар оғамиз Абдуфаттоҳ ака Ахмедов ҳомийлигида бунёд этилган “Шариф ота” намозгоҳининг расмий очилиши маросими бўлиб ўтди. Масжид Абдуфаттоҳ ака ҳовлисининг йўл тарафидан қурилди.

Масжид очилишида Қорачиқ қишлоғи бош имом хатиби Усмон Шарипов, Сауран тумани  бош имом хатиби Бауржан Илёс ўғли, Югнак қишлоғи бош имом хатиби Саиджон Абдуллаев, Қорачиқ қишлоқ ўзбек маданият маркази раиси муовини Қодир ака Аҳмедовлар иштирок этишди.

Ташриф буюрган меҳмонлар ҳамқишлоғимиз Бурибой махсум ота Маменов дуои фотихаси билан масжид остонасини ҳатладилар.