Устозлар билан учрашув
2023-06-01 116 0
Музаффар ака Умаров раҳбарлик қилаётган "Қорачиқ" ўрта мактабида “Дийдор ширин” номли маънавий-маърифий кеча бўлиб ўтди. Қорачиқдаги собиқ 15-сонли ўзбек мактаб-интернати ва “Қорачиқ” ўрта мактабида фаолият юритган марҳум қадрли устозлар хотираси ёд этилиб, “Унутмоқ осонмас сизларни” номли хотира тадбиридан сўнг мактабда ўқитувчилик қилиб нафақага чиққан 26 нафар фахрий устозлар билан учрашув ўтказилди.
Устозларга яхши тилаклар билдирилиб, совғалар топширилди. Учрашув мактаб ўқитувчилари томонидан тайёрланган байрам концерт дастури билан бошланиб, фахрий устозлар шарафига ёзилган дастурхон билан давом этди. Устозлар юқори даражада ўтган тадбир ташкилотчилари Муҳиддин Тўрахонов бошчилигидаги мактаб жамоасига миннатдорчилик билдиришди.
