“Қорачиқ” – туман чемпиони!
2025-02-27 36 0
Қишлоғимиз ёшларидан яна бир хушхабар! Футзал бўйича ҳаваскорлар ўртасида ўтказилган Саврон тумани футбол лигаси биринчилигида “Қорачиқ” футбол жамоаси ўз тарихида кетма-кет иккинчи бор ғолибликни қўлга киритиб, республика чемпионатига йўлланма олди.
Туман биринчилигида бир қатор жамоаларда футбол мактаби битирувчилари ва профессионал футболчилар иштирок этганига қарамай, қишлоғимиз йигитлари яна бир бор ўз маҳоратини намойиш этишди.
“Қорачиқ” жамоасида қишлоқ ёшларидан Шоҳрух Эркинов (жамоа сардори), Артур ва Шоҳ Дадахоновлар, Азиз Тилешов, Ислом ва Зафар Ирисбоевлар, Шаҳзод Эркинов, Нурлибек Шерниязданов, Хондамир Тожиметов, Жангелдин Калиев ва Шоҳрух Шокировлар муваффақиятли иштирок этишмоқда.
“Қорачиқ” футбол жамоаси раҳбари ва бош ҳомийси Алижон Абдукаримов, ҳомийлар Хуршид Муютов, Маъруфжон Эрметов ва Маъруфжон Исмоилов ҳамда барча қўллаб-қувватлаган ҳамқишлоқларимизни ушбу ғалаба билан табриклаймиз!
